Silah-silahing Ukara

Silah-silahing Ukara Ing Basa Jawa

Silah-silahing Ukara Ing Basa Jawa

Silah-silahing ukara sing perlu di weruhi ana 6 warna, yaiku :

1.   Ukara Kandha ( Kalimat Langsung )

Yaiku ukara sing ngandhaake omongan liyan kanthi persis.

Contone :

• Bapak ngendika, “Sesuk aku menyang Jogja”.
• “Kowe kudu sing sregep ngaji” dhawuhe ibu.

2.  Ukara  Crita ( Kalimat Tak Langsung )

Yaiku ukara sing nyritakke omongan liyan mung sarine / Ringase bae.

Contone :

• Tini takon, kena apa aku wingi ora mlebu sekolah.
• Ngendikane guru, yen sregep sinau mesthi pinter.

3.  Ukara Tindak / Tanduk ( Kalimat Aktif )

Yaiku ukara sing jejere nindakake pagawean.

Contone :

• Ibu mundhut jajan kanggo tukang.
• Rudi ngunduh jambu.

4.  Ukara Tanggap ( Kalimat Pasif )

Yaiku ukara sing jejere dikenani pagawean.

Contone :

• Sarunge di krikiti tikus.
• Jajane dirubung semut.

5.  Ukara Pakon ( Kalimat Perintah )

Contone :

• Jupukna tasku ing dhuwur kursi kuwi.
• Balekna buku iki menyang omahe budi.

6.  Ukara Panjaluk ( Kalimat Permohonan )

Contone :

• Coba kowe mreneya dak kandhani.
• Tulung aku penekna blimbing kuwi.

Katrangan :

Ukara kandha bisa didadekake ukara crita, lan ukara crita uga bisa didadekake ukara kandha.

Miturut medharake gagasan, ukara bisa di perang dadi 2 warna :

1.   Ukara lamba ( Kalimat Tunggal )

Yaiku ukara sing medharake gagasab mung siji.

Tuladha :

• Adhik tuku buku.
• Tono nunggang kebo

2.   Ukara Camboran ( Kalimat Majemuk )

Yaiku ukara sing medharake gagasan luwih saka siji. Ukara camboran iku rangkepane ukara lamba.

Tuladha :

• Didi cethil nanging mbak yuni loma.
• Danu munggah kelas amarga sregep anggone sinau.

..................................oo00O00oo..................................

Mugi-mugi saget maringi manfaat...

Sumber  Pustaka

• Pepak Basa Jawa Lengkap, Nuraini, S.Pd., Lingkar Media